Bayram Süfrələrinin Bəzəyi : Çingiz Xan Salatı Resepti

Monqolustan mətbəxindən Salat resepti.
Şərq mətbəxinin ən dadlı və sevilən salatlarından biri də “Çingiz xan”salatıdır. Mir. az dadı və görünüşü ilə qonaqlarınızı sevindirəcək ləzzətli salatın reseptini təqdim edir.

Yerkökü və çuğunduru bişirib,qabığını soyub sürtgəcdən keçirin.
Sarımsağı və qoz ləpəsini xırdalayın.
Qara gavalı qurusunu 20 dəqiqə suda isladın və daha sonra sudan çıxarın ,qurulayın və xırda doğrayın.
Pendiri də sürtgəcin iri gözündən keçirin.
Toyuq filesini kiçik kub şəklində doğrayın və yağda qızardın.
Qızardılmış toyuq filesini artıq yağının getməsi üçün kağız salfetin üzərinə düzün və soyudun.
Salatı hazırlayacağınız boşqaba ilk öncə çuğundur, toyuq filesi və qoz düzüb mayonezləyin.Daha sonra yerkökü və pendir düzüb mayonezləyin. Doğranmış gavalı qurusu, mayonez,çuğundur və sarımsağı da qat-qat düzün. Zövqə görə hər qata duz və istiot səpin.
Qat-qat düzdüyünüz salatı 1 saatlıq soyuducuya yerləşdirin.
Üzərini zövqə görə bəzəyib süfrəyə verə bilərsiniz.

NUŞ OLSUN😋.