Azərbaycan Mətbəxindən : Ləzzətli Sac Qovurma Resepti

Azərbaycan mətbəxindən Yemək resepti.
Azərbaycan mətbəxinin ən ləzzətli yeməklərindən biri saciçidir. Mir.az quzu əti, quyruq və tərəvəzlərlə bişən dadlı saç içi qovurmanın reseptini təqdim edir.

İlk öncə soğanı incə , bibərləri və kartofları uzunsov doğrayın.
Acı bibərin yarısını doğrayın ( və ya acı xoşlayırsınızsa hamısını istifadə edə bilərsiniz). Sarımsağı əzib xırda doğrayın.
Badımcanı da halqavari doğrayın.
Quyruğu doğrayıb sacın kənarlarına yerləşdirin. Sacın orta hissəsinə quzu ətini töküb , üzərinə duz əlavə edib qarışdıraraq bişirin.
Daha sonra üzərinə soğan əlavə edib qovurun. Qapağı örtüb ətin bişməsini gözləyin.
Sarıkök səpib, ətləri saçın kənarlarına çəkib kartofları tökün. Kartoflar bişsin və qızarsın deyə qapağı örtün. Daha sonra kartofların üzərinə xırda doğranmış sarımsaq da əlavə edib qarışdırın. Doğranmış badımcanları da saca yerləşdirib qapağını örtün. Bibərləri də əlavə edib qarışdırın. Üzərinə çerri pomidorları düzüb, doğranmış göyərti səpib qapağını örtün. Sac içi yeməyi hazırdır.

NUŞ OLSUN😋.