Dadından Doymaq Olmaz : Tərəvəzli Skumbriya Balığı Resepti

Türkiyə mətbəxindən Yemək resepti.
Skumbriya olduqca orijinal bir dad və qoxusu olan bir balıqdır. Bu balıqdan nahar və ya şam yeməyi üçün, hətta bayram süfrəsi üçün dadlı və doyurucu yemək hazırlaya bilərsiniz. Mor.az tərəvəzli skumbriya balığının reseptini təqdim edir.

Skumbriya balığının başını, quyruğunu və üzgəclərini kəsib içini təmizləyin. Balığı yaxşıca yuyub ,kağız dəsmalla suyunu qurudun və təxminən 3 sm enində doğrayın.
Soğanı 4 hissəyə bölüb nazik doğrayın.
Tavaya az miqdarda yağ töküb ocağa qoyun və soğanı bir neçə dəqiqə qızardın.
Yerkökünü kiçik kub formasında doğrayıb qızardılmış soğana əlavə edib qarışdırın və qovurmağa davam edin.
Bibəri zolaq formasında doğrayıb yerkökü və soğana əlavə edin və tərəvəzlər yumşaq olana qədər daha 5 dəqiqə bişirin. Orta ocaqda vaxtaşırı bir spatula ilə və ya taxta qaşıqla qarışdırın.
Daha sonra tərəvəzlərə tomat pastası və ədviyyat əlavə edib istiliyi azaldın. Sousu bir neçə dəqiqə qaynadın ki, tərəvəzlər tomatla qarışsın.
Skumbriya dilimlərini tavaya tərəvəzlərin üzərinə düzüb 5 dəqiqə bişirin. Daha sonra hər bir balıq tikəsini digər tərəfə çevirin ki, balıq bərabər bişsin. Minimum istilikdə daha 7-10 dəqiqə (daha çox deyil) bişirin. Bişdikdən sonra tavanın qapağını örtün ki, tərəvəz və tomatın dadını və iyini tam özünə çəksin.
Hazır olduqdan sonra tərəvəzli skumbriyanı boşqaba çəkib ,üzərinə göyərti səpib süfrəyə verə bilərsiniz.

NUŞ OLSUN😋.