Arzulanan Ləzzət : Qiyməli Kartof Topları Resepti

Türkiyə mətbəxindən Qəlyanaltı resepti.
Süfrəmizdə həmişə sulu yeməklərin, ət , balıq və ya toyuq yeməklərinin yanında qarnir kimi kartof püresi görmüşük... Amma bu dəfə bu vəziyyəti bir az dəyişmək istədik.
Ləzzətli yağda qovrulmuş qiyməni sadəcə qara bibər tozu ilə ləzzətləndirdik və püreyə dairəvi forma verib içərisini qiymə ilə doldurduq.
İstəsəniz limon sıxıb yeyə bilərsiniz və ya üzərinə bir dilim holland pendiri qoyub 5 dəqiqə sobada bişirə bilərsiniz.

Qiymənin hazırlanması:
Tavanı qızdırın və kərə yağını əridib qiyməni əlavə edib qovurun.
Qovurduqdan sonra ədviyyatları əlavə edib soyuması üçün kənara qoyun.
Kartof toplarının hazırlanması:
Kartofu soyub bişənə qədər qaynadın və bişdikdən sonra çəngəllə əzin. Üzərinə süd, istiot və duz əlavə edib əzməyə davam edin.
Əzdiyiniz kaftofa ovucunuzda dairəvi forma verib ortasına baş barmağınızla basaraq deşik açın.
Qiyməni oraya əlavə edib yumru bir forma vermək üçün yenidən kartof əlavə edin. Kartof topları hazırdır!
Cəfəri yarpaqları ilə bəzəyib süfrəyə verin.

NUŞ OLSUN😋.