Belə Ləzzət Yoxdur: Toyuqlu Kərəviz Salatı Resepti

Türkiyə mətbəxindən Salat resepti.
Deyirlər ki, kərəviz yeyərkən yandırdığımız kalori miqdarı kərəvizin tərkibindəki kaloridən çoxdur. Bunun nə qədər doğru və yalan olduğunu mütəxəssislərin ixtiyarına buraxaq, amma düzgün istifadə edildikdə kərəvizin nə qədər sağlam və dadlı olmasından danışaq.
Kərəviz bol A vitamini və kalium ehtiva edən çox faydalı tərəvəzdir. Təəssüf ki, o, çox vaxt özünəməxsus kəskin qoxusuna görə layiq olduğu dəyəri görmür. Amma bu toyuqlu kərəviz salatı reseptini sınadığınız zaman inanırıq ki, çoxunuz fikrinizi yaxşıya doğru dəyişəcəksiniz. Mir.az toyuqlu kərəviz salatının reseptini təqdim edir.

Toyuq Kərəviz Salatının Reseptinin İpucu
İçinə atdığınız qatıq və sarımsağın miqdarını zövqünüzə uyğun tənzimləyə bilərsiniz.

Əvvəlcə toyuq filesini kiçik bir qazana qoyub üzərinə örtəcək qədər su əlavə edin və bişənə qədər-təxminən 15 dəqiqə qaynadın.
Kərəvizi soyun və sarımsaqla birlikdə sürtgəcdən keçirin. Üstünə qatıq, mayonez və duz əlavə edib yaxşıca qarışdırın.
Bişmiş toyuq filesini didin və hazırladığınız kərəviz qarışığına əlavə edib qarışdırın.
Üstünə xırda doğranmış cəfəri və doğranmış qoz əlavə edib yaxşıca qarışdırdıqdan sonra süfrəyə verin.

NUŞ OLSUN😋.