Bal və Duzun Uyumu: Ballı Toyuq Resepti

Türkiyə mətbəxindən Yemək resepti.
Souslu toyuq reseptlərini kim sevməz ki? Üstəlik o sous ballıdırsa .Mir.az tavada nar kimi qızarmış ballı toyuq reseptini təqdim edir.

Toyuq filesinin ( zövqə görə bud və ya qanad )üzərinə zeytun yağı, ətotu (rozmarin), sarımsaq və təzə üyüdülmüş qara bibər əlavə edib marinad edin.
Marinadlanmış toyuq filesini güclü odda ,qril izləri olan isti tavada ( və ya sobada ) hər iki üzünü qızardın.
Kərə yağını qazançada əridib unu əlavə edin və açıq rəng alana qədər vam odda qovurun.
Bal, təzə sıxılmış limon suyu və soya sousunu əlavə edin və tez-tez qarışdırın ki, un bir yerə yığılmasın. Sousu aşağı istilikdə qaynamağa icazə verin.Qatılaşmağa başlayan sousa limon qabığı və kəklikotu əlavə edin.
Hazırladığınız sousu qızardılmış toyuq filesinin üzərinə tökün və hər iki üzü sousa batsın deyə qarışdırın.
Qarışdırdıqdan sonra istədiyiniz qarnirlərlə süfrəyə verə bilərsiniz.

NUŞ OLSUN😋.