Damaqlarda Qalan Ləzzət: Limonlu Toyuq Filesi Resepti

Türkiyə mətbəxindən Yemək resepti.
Nə vaxtsa limonlu toyuq ətini sınamısınızmı bilmirik. Amma Mur.az sınamağı şiddətlə tövsiyə edir! Bu harmoniyanın ləzzətini kəşf edəndə kaş ki, bu resepti daha əvvəl öyrənərdik deyəcəksiniz.

Toyuq filesini incə-incə dilimləyin.
Bir qaba qoyub üzərinə zeytun yağı, ətotu (rozmarin), təzə çəkilmiş qara bibər və dəniz duzu əlavə edib qarışdırın.Toyuq bütün inqrediyentlərlə qarışdırıldıqdan və dadını iki qat artırdıqdan sonra bişirilməyə hazırdır.
Tavanı qızdırın və toyuq ətini tavaya əlavə edib hər tərəfini üç dəqiqə bişirin.
Limon sousu üçün sarımsağı və limonun qabığını sürtgəcdən keçirin.
Cəfərini incə doğrayın.
Limonların suyunu sıxın.
Tavadakı toyuqların üzərinə kərə yağı və xırda üyüdülmüş qoz ləpəsi əlavə edib qovurun. Qovurma prosesinə sarımsağı əlavə edin. Ardı ilə tavaya limon şirəsini və qabıqlarını əlavə edib bu şəkildə toyuqu 10 dəqiqə daha bişirin.Hərdən çevirməyi unutmayın.
Son mərhələdə tavaya xırda doğranmış cəfəri əlavə edin və bir dəfə çevirib yeməyi ocaqdan götürün. İsti halda servis edin.

NUŞ OLSUN😋.