Asan və Ləzzətli: Kartof Mantısı Resepti

Türkiyə mətbəxindən Yemək resepti.
Əgər kartoflu yeməkləri sevirsinizsə və onları asan və fərqli şəkildə süfrələrinizə təqdim etmək istəyirsinizsə, bu resepti bəyənəcəksiniz! Kartofu kökü ilə şirinləşdirib və süzmə qatığı əlavə edib dadına dad veririk. Təbii ki, bununla bitmir. Bu dadı ədviyyatlar və təbii ki, yağ və tomat pastası sousu müşayiət edir. Onu əsas yeməklə qarnir və ya çay saatı üçün dadlı salat kimi süfrəyə verə bilərsiniz. Bu dadlı ləzzətə heç kim yox deyə bilməz!

Kartofu suda qaynadıb qabığını soyun və sürtgəcdən keçirin.
Kökü soyub sürtgəcdən keçirin və qızdırılmış yağlı tavada yumşalana qədər qovurun.
Yumşaldılmış kökün üzərinə kartof və duz əlavə edib 2-3 dəqiqə daha qarışdırın və ocaqdan götürün.
Hazırladığınız kartof qarışığını şüşə qaba (borcama) töküb qaşıq ilə hamarlayın və otaq temperaturunda soyumağa buraxın.
Soyudulmuş kartof qarışığına süzmə qatıq əlavə edib yenidən hamarlayın və 1 saat soyuducuda saxlayın.
Soyudulmuş kartof mantısını dilimləndikdən sonra üzərinə qurudulmuş nanə, acı bibər tozu və sumaq səpin.
Kərə yağını tavada qızdırın və tomat pastasını əlavə edib qovurun.
Tomat pastası qarışığını süfrəyə verməzdən əvvəl mantıların üzərinə töküb sevdiklərinizlə paylaşa bilərsiniz.

NUŞ OLSUN😋.