Yumşaqmı Yumşaq: Toyuq Ciyəri Resepti

Türkiyə mətbəxindən Yemək resepti.
Quzu qaraciyərindən hazırlanan Arnavut ciyərinə dadlı və qənaətcil alternativ toyuq qaraciyəri reseptidir.Doğranmış soğan, qırmızı bolqar bibəri və cəfəri yarpaqları ilə ətirli zülal qaynağı…
Yanında kərə yağı ilə düyü plovu heç də pis olmaz. Hazırlayıb sevdiklərinizlə bölüşə bilərsiniz.

Toyuq ciyərinin artıq yağ və sinirlərini diqqətlə çıxarın.
Toyuq ürəklərini yarıya bölün və ortadakı qan laxtalarını axar suyun altında təmizləyin.
Qanın tam getməsi üçün ən azı 10 dəqiqə soyuq suda saxlayın və sudan çıxardıqdan sonra artıq suyunu süzdürün.Suyu süzüldükdən sonra ciyərləri ölçülərinə uyğun olaraq iki bərabər hissəyə bölün.
Quru soğanı incə doğrayın.
Qırmızı bolqar bibərini yarım ay formasında doğrayın.
Cəfərini xırda doğrayın.
Zeytun yağını tavaya töküb qızdırın.Soğanı əlavə edin və açıq rəng alana qədər qızardın.
Sonra qırmızı bibərləri əlavə edin və qısa müddət ərzində qovurma prosesinə davam edin. Təmizlənmiş toyuq ciyərlərini tavaya əlavə edin və arabir qarışdıraraq suyu buxarlanana qədər zəif odda bişirin.
Üzərinə az miqdarda tomat pastası, duz, kimyon,təzə üyüdülmüş qara bibər və arzuya görə acı bibər tozu əlavə etdiyiniz toyuq ciyərlərini daha 4-5 dəqiqə vam odda bişirib servis boşqablarına çəkin.
Cəfəri ilə bəzədikdən sonra sevdiklərinizlə isti halda paylaşın.

NUŞ OLSUN😋.