Günün Ulduzu: Xırtıldayan Lavaşlı Noxudlu Salat Resepti

Türkiyə mətbəxindən Salat resepti.
Günün istənilən saatı yeyə biləcəyiniz dadlı ,ləzzətli salat reseptimiz var!
Qızılı, sarı rəngli xırtıldayan qızardılmış lavaş parçaları, qatıq, toyuq və ədviyyatların birləşməsindən ibarət bu dadlı salatı yemək olaraq da yeyə bilərsiniz. Tərkibini müxtəlif inqrediyentlər əlavə edərək də zənginləşdirmək mümkündür! Qarğıdalı da çox yaraşar.Odur ki, sizi çox gözlətmədən Mir.az heyrətamiz salat reseptini təqdim edir.

İkiyə qatlanmış lavaşı şişə bükün və şişi çıxarıb 1 barmaq qalınlığında lavaşları kəsin. Uclarına su vurub yapışdırın ki ,qızardılan zaman açılmasın. Kəsilmiş lavaşları qızdırılan yağda qızılı rəng alana qədər qızardın.
Ayrı bir dərin qaba xırda doğranmış, qaynadılmış toyuq filesi,qaynadılmış noxud,qatıq, mayonez, əzilmiş sarımsaq, duz və istiot əlavə edib qarışdırın.
Ardı ilə üzərinə qızardılmış lavaşları əlavə edib qarışdırmağa davam edin. (Süfrəyə verilən zaman lavaşları əlavə edin ki, yumşalmasın.)
Süfrəyə verəcəyiniz zaman salatın üzərinə kərə yağında qızardılmış qırmızı bibər və nanə əlavə edib sevdiklərinizlə bölüşə bilərsiniz.

NUŞ OLSUN😋.