Dadı damaqdan getməyən milli yeməyimiz - Murqutuşun resepti

Azərbaycan mətbəxindən Milli yeməklər resepti.
Murqutuş- Azərbaycanın unudulmuş qədim və dadlı yeməklərindən biridir. Dadı damağınızda qalacaq bu yeməyi hazırlayaraq süfrələrin əvəzolunmazı edin. Murqutuşun reseptini sizlərə təqdim edirik.

İlk öncə kənd çolpasını doğrayıb suda bişirin. Soğanı xırda doğrayıb tavada yağda qızılı rəng alana qədər bişirin. Cəfəriləri çox xırda doğrayıb qovrulmuş soğana əlavə edib qovurun. Üzərinə bişirdiyiniz toyuq tikələrini, duz və istiot əlavə edib 4-5 dəqiqə daha bişirin. Daha sonra xırda doğranmış qoz ləpəsi, limon suyu (və ya abqora) və bişirib süzdüyünüz toyuğun bulyonundan 1.5 stəkan əlavə edib 15 dəqiqə vam odda bişirin. Murqutuşu süfrəyə plovla verə bilərsiniz.