Sobada Toyuq Güvəc Resepti

Türkiyə mətbəxindən Yemək resepti.
Güvəcdə bişən yeməyi kim istəməz ki ?! Mir.az saytı toyuq güvəcini sizə təqdim edir.Toyuq güvəcinə soğan, sarımsaq, pomidor, kartof, qarox və ədviyyatlar əlavə edib dadlı , yüngül bir yemək hazırlayın. İstəsəniz arzu etdiyiniz ədviyyat və tərəvəzlər də əlavə edib bişirə bilərsiz.
Son toxunuş olaraq holland pendirini sizin öhtənizə buraxdıq.Zövqə görə istifadə edə bilərsiz.

Toyuq filesini ,pomidoru,kartofu kiçik kub şəklində ,sarımsağı incə ,bibərləri yarım ay şəklində doğrayın. Kiçik soğanların isə qabığını soyub bütöv saxlayın.
Zeytun yağını tavada qızdırıb soğan və sarımsağı əlavə edin qızardın.
Üzərinə toyuq filesi və yaşıl bibəri əlavə edib yüngül rəng alana qədər yüksək odda bişirin. Ardı ilə pomidoru və tomat pastasını əlavə edib suyunu çəkənə qədər bişirin.
Kartof və qaroxu da əlavə etdikdən sonra kəklikotundan başqa bütün ədviyyatları və qaynar su əlavə edib ağzı bağlı qapalı bir şəkildə 10 dəqiqə aşağı istilikdə bişirin.
Bir porsiyaya və ya böyük güvəc qabına qoyduğunuz qarışığın üzərinə kəklikotu səpib kiçik kublara kəsilmiş yağ qoyun.
Əvvəlcədən 200 dərəcədə isidilmiş sobada 30-35 dəqiqə bişirdiyiniz toyuq güvəcini cəfəri ilə bəzəyib isti şəkildə servis edin.


NUŞ OLSUN ?.