Tavada Ətirli Skumbriya Balığı Resepti

Türkiyə mətbəxindən Yemək resepti.
Skumbriya o qədər faydalı balıqdır ki, onu rasionunuza mütləq daxil etməlisiniz. Çünki skumbriya Omega-3 yağ turşularının, vitamin və mineral kütləsinin ilk mənbəyidir. Bu faydalı balıqdan çox dadlı və tez bir zamanda hazırlaya biləcəyiniz bir resept. Mir.az tavada ətirli skumbriya qızartmasının reseptini təqdim edir.

İlk öncə skumbriya balığını təmizləyib yaxşıca yuyun. Üzgəç, baş və quyruq hissəsini kəsib atın. Balığın üzərində bıçaqla kəsiklər atın və 1 xörək qaşığı bitki yağı səpin. Balığın içərisinə kərə yağı dilimi və 1 budaq ətotu (rozmarin) yerləşdirib üstünü iki tərəfli duzlayıb,istiotlayın.
Tavaya 1 xörək qaşığı yağ töküb qızdırın. Balığı qızğın yağda 3 dəqiqə güclü odda hər iki tərəfini qızardın. Daha sonra ocağı zəiflədib ,tavanın qapağını örtüb zəif odda 5 dəqiqə bişirin.
Pomidor salatını hazırlamaq üçün 10 ədəd xırda ( cherry ) pomidoru dilimləyib üzərinə doğranmış 5 ədəd nanə yarpaqları, limon suyu, zeytun yağı və duz əlavə edib qarışdırın. Salat hazır olduqdan sonra qızarmış balıqla servis edə bilərsiniz.