Ketçup və Mayonezli Ləzzət: Kartof Kroket Resepti

Türkiyə mətbəxindən Qəlyanaltı resepti.
Qəlyanaltıların olmazsa olmazı kartof qızartması və ya kartof kroketləridir. Ketçup və mayonez ilə müşayiət olunan kartof kroketləri qonaqlarınız üçün yüngül bir başlanğıc yeməyi sayıla bilər.
Əslində bu resepti kartof kotleti kimi də düşünə bilərsiniz və istədiyiniz təzə otlar və qurudulmuş ədviyyatlar əlavə edərək hazırlaya bilərsiniz.

Kartofu yuyun və qaynadıb əzin.
Kərə yağı və 2 yumurta sarısını kartof püresinə əlavə edib qarışdırın.
Hamar bir tutarlılıq əldə etdikdə nişasta və ədviyyatlar əlavə edib yenidən qarışdırın.
Püreni sıxma torbasına doldurun və doğrama taxtasına streç sellofan sərib püreni zolaqlar şəklində sıxıb 1 saat dondurucuda saxlayın.
Dondurucudan çıxardıqdan sonra istədiyiniz ölçüdə zolaqları kəsib əvvəlcə una, sonra yumurtaya və sonda qaleta ununa batırıb ( daha da xırtıldayan olması üçün yenidən yumurta və qaleta ununa batırın ) isti yağda qızardın.
Qızardıqdan sonra yanında istədiyiniz souslarla süfrəyə verə bilərsiniz.

NUŞ OLSUN😋.