Türkiyə Mətbəxindən: Albalı Souslu Saray Lokumu Resepti

Türkiyə mətbəxindən Desert resepti.
İçərisində ləzzətli pudinq və albalı sousu ilə mədənizi fəth edən,görünüşü ilə gözlərinizi valeh edən ləzzətli reseptimiz var. Asan və yüngül südlü desert hazırlamaq istəyən həvəskarları bir addım önə dəvət edirik. Mir.az albalı souslu saray lokumu reseptini təqdim edir.

Qazana süd, şəkər tozu,nişasta və unu töküb yaxşıca qarışdırın və ocağı yandırıb qaynayana qədər qarışdıraraq bişirin.
Bişirdikdən sonra kərə yağı və vanili əlavə edib kərə yağı əriyənə qədər qarışdırın və blenderdən keçirin.
Böyük düzbucaqlı şüşə qabın (borcamın)dibinə kokos səpib üzərinə hazırladığınız pudinqi tökün.
Albalı suyu, un, nişasta və şəkər tozunu ayrıca qazana töküb yaxşıca qarışdırdıqdan sonra ocağı yandırın və davamlı qarışdıraraq qaynayıb qatılaşana qədər bişirin.
Hazırladığınız albalı sousunu pudinqin üzərinə töküb yaxşıca yayın və otaq temperaturuna gəldikdən sonra soyuducuya qoyun.
Soyuducuda təxminən 6 saat qaldıqdan sonra zolaqlara kəsib yumrulayın və servis edin.

NUŞ OLSUN😋.